Gisteraovend… Zeen alle sketsjes verzameld/ gebunjeld veur alle sjpelers, van  de kòmmende 16e Lèntjheuvelse revuuj.
Òngersjtaonde sjrievers,
                     
            Desy Mercks en WIlly Penders,

die het 30-Jaorig sjpektakel dit jaor höbbe, bedach, verzònne, in-ein gesjteeld en oere achter eine kompjoeter höbbe doorgebrach zeen d’r kloar veur.  Auch höbbe ze soms door eine zoere appel  motte biete,  om ein nuuj revuuj oppe planke te brènge.

Same mit al die 100 vrijwilligers geit hun sjriefwerk  laeve tot ein  groat revuuj gebeure.  Waeke woort d’r vergaderd en same gezaete mit de denk-tenk, die hun ideeje aanreikte, mit sjaafde en mit dachte.

Het belaof weer eine bòntje mengeling van:
Sketsj, sjoow, zangk, dans te waere, woobiej ‘t sjpel en de lach zeker weer aanwezig zulle zeen. Vanaaf kòmmende woonsdig 21/9 dus volòp bedrievigheid in ‘t vertroewde Volkshoes oppe Lèntjheuvel!